សូមស្វាគមន៍ គេហទំព័រ តេជបារមីវិហារសួគ៌ / មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ : លោក នីសុផាន់ណា ទីស្នាក់ការកណ្តល: ទីស្នាក់ការ ភូមិវិហារសួគ៌ ឃុំវិហារសួគ៌ ស្រុកខ្សាច់កណ្តាល ខេត្តកណ្ដាល /ទំនាក់ទំនង Tele: 016 428 912 ។


 

សូមស្វាគមន៍ គេហទំព័រ តេជបារមីវិហារសួគ៌ / មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ : លោក នីសុផាន់ណា ទីស្នាក់ការកណ្តល: ទីស្នាក់ការ ភូមិវិហារសួគ៌ ឃុំវិហារសួគ៌ ស្រុកខ្សាច់កណ្តាល ខេត្តកណ្ដាល /ទំនាក់ទំនង Tele: 016 428 912 ។

Thursday 30 March 2023

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ

ចំនួនអ្នកទស្សនា: Views

(ភ្នំពេញ)៖ ព្រឹកថ្ងៃព្រហស្បតិ៍ ទី៣០ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។ ពិធីនេះរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។

ក្នុងឱកាសសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជិត១៖៣០នាទី, ខាងក្រោមជាខ្លឹមសារសំខាន់ៗរបស់សម្តេច៖

* សម្តេចតេជោ ហ៊ុន សែន សុំការយោគយល់ និងអធ្យាស្រ័យចំពោះការខកខានមិនបានចូលរួមបើកបវេសនកាលសភា។ សម្តេចតេជោ ហ៊ុន សែន បានថ្លែងថា ការខកខាននេះ ដោយសារការជូនដំណឹងពីរដ្ឋសភាយឺតជាងកម្មវិធីការងាររបស់សម្តេច។ សម្តេចតេជោស្នើសុំសភាទម្លាក់កម្មវិធីបានលឿនបន្តិច ដ្បិតសម្តេចមានការងារច្រើន។

* សម្តេចតេជោ ហ៊ុន សែន បានថ្លែងថា ការបណ្តុះបណ្តាលធនធានមនុស្សនៅកម្ពុជា មិនមែនទើបចាប់ផ្តើមនៅពេលនេះឡើយ ពោលបានគិតគូរចាប់តាំងពីក្រោយថ្ងៃរំដោះ៧ មករា ១៩៧៩ មកម្ល៉េះ។

* សម្តេចតេជោ ហ៊ុន សែន បានថ្លែងថា ការអញ្ជើញចែកសញ្ញាបត្ររបស់លោកបណ្ឌិត ហ៊ុន ម៉ាណែត នៅតាមគ្រឹះស្ថានអប់រំនានា គឺត្រូវស្តង់ដារយុវជនចង់បាន។

* សម្តេចតេជោ ហ៊ុន សែន បានថ្លែងថា យុវជនសម័យនេះមានឱកាសច្រើន បើធៀបនឹងយុវជនសម័យមុន។ យុវជនសម័យមុនបាត់បង់ឱកាស ហើយត្រូវរបួសពិការថែមទៀតផង។ ជំនាញដែលត្រូវបានបណ្តុះបណ្តាលនាពេលនោះ គឺការប្រយុទ្ធគ្នា។

* សម្តេចតេជោ ហ៊ុន សែន បានថ្លែងថា ពីមុនហ្វឹកហាត់ដើម្បីប្រយុទ្ធ ដើម្បីកម្ទេចគ្នា ប៉ុន្តែការហ្វឹកហាត់នាពេលបច្ចុប្បន្ន ដើម្បីទទួលការអភិវឌ្ឍន៍។

* សម្តេចតេជោ ហ៊ុន សែន បានថ្លែងថា ខ្មែរកាន់តែសម្បូរជំនាញ នឹងទាក់ទាញអ្នកវិនិយោគកាន់តែខ្លាំង។

* សម្តេចតេជោ ហ៊ុន សែន បានបញ្ជាក់ថា បច្ចុប្បន្នកម្ពុជា អាចផលិតស៊ីម៉ង់តិ៍ បានប្រមាណ ៩លានតោន។

* សម្តេចតេជោ ហ៊ុន សែន បានថ្លែងរំលឹកថា សម័យកាលកូវីដ១៩ បានធ្វើឱ្យកម្ពុជាមានការវិវឌ្ឍផ្នែកឌីជីថលយ៉ាងលឿនរហ័ស។ សម្តេចតេជោ ហ៊ុន សែន បានណែនាំ និងជំរុញឱ្យអភិវឌ្ឍន៍ផ្នែកឌីជីថល ឱ្យកាន់តែខ្លាំងបន្ថែមទៀត។

* សម្តេចតេជោ ហ៊ុន សែន បានថ្លែងថា សន្តិភាព បានផ្តល់ឱកាសឱ្យមនុស្សគ្រប់គ្នាជា ពិសេសគឺយុវជន។ មិនដូចយុវជនជំនាន់មុននោះឡើយ។

* សម្តេចតេជោ ហ៊ុន សែន បានថ្លែងថា ទោះបីមានការព្រមានពីវិបត្តិសេដ្ឋកិច្ចសាកលយ៉ាងណាក្តី តែកម្ពុជាទាន់ដល់កម្រិតអត់លុយក្នុងធនាគារនោះទេ។ សម្តេចតេជោ អំពាវនាវកុំឱ្យស្លន់ស្លោ ហើយនាំគ្នាទៅដកលុយពីធនាគារនោះឡើយ។

* សម្តេចតេជោ ហ៊ុន សែន បានថ្លែងថា រុស្ស៉ី មិនអាចកម្ទេចអ៊ុយក្រែន ហើយអ៊ុយក្រែន មិនអាចកម្ទេចរុស្ស៉ីបាននោះឡើយ។ សម្តេចតេជោ ហ៊ុន សែន បានថ្លែងរំពឹងថា សង្គ្រាមរុស្ស៉ី និងអ៊ុយក្រែន នឹងឈានដល់ការបញ្ចប់។ ការបញ្ចប់នោះ គឺដោយការចរចា មិនមែនយកសង្គ្រាម ទៅបញ្ចប់នោះឡើយ។

* សម្តេចតេជោ ហ៊ុន សែន បានបង្ហាញក្តីបារម្ភចំពោះការប្រែប្រួលអាកាសធាតុ ដែលមានការវិវឌ្ឍកាន់តែធ្ងន់ធ្ងរ។

* សម្តេចតេជោ ហ៊ុន សែន បានថ្លែងថា កម្ពុជាបានឆ្លងផុតសេដ្ឋកិច្ចផ្គត់ផ្គង់ខ្លួនឯង ឈានដល់សេដ្ឋកិច្ចពាណិជ្ជកម្មហើយ។

* សម្តេចតេជោ ហ៊ុន សែន បានថ្លែងរំពឹងថា ប្រជាពលរដ្ឋខ្មែរ នឹងមិនលង់ជឿក្រុមប្រឆាំង រឿងកំណត់តម្លៃទំនិញលើទីផ្សារ ដែលជាសេដ្ឋកិច្ចបែបកុម្មុយនិស្តនោះឡើយ។

* សម្តេចតេជោ ហ៊ុន សែន បានថ្លែងថា ពេលនេះសម្តេចបំបែកឯកទគ្គកម្មពិភពលោកអស់ហើយ ខាងធ្វើយូរជាងគេ។

* សម្តេចតេជោ ហ៊ុន សែន ថ្លែងរំលឹកថា មន្ត្រីខ្លះឱ្យភរិយារៀបចំហុងស៊ុយកន្លែងធ្វើការ លូកលាន់កិច្ចការរបស់ប្តី ចុងក្រោយបាត់បង់អស់តំណែង។ សម្តេចតេជោ ហ៊ុន សែន រំលឹកមន្ត្រីកុំឱ្យភរិយា និងកូនយកតួនាទី និងអំណាចទៅប្រើ

* សម្តេចតេជោ ហ៊ុន សែន៖ បក្សប្រឆាំង នឹងយកការធ្លាក់សេដ្ឋកិច្ចរបស់កម្ពុជា បណ្តាលពីវិបត្តិសាកលធ្វើជាប្រធានបទវាយប្រហារការដឹកនាំរបស់រាជរដ្ឋាភិបាល

* សម្តេចតេជោ ហ៊ុន សែន បានថ្លែងបង្ហើបថា នាយករដ្ឋមន្ត្រីម៉ាឡេស៊ី បង្ហើបពីផែនការរបស់ក្រុមប្រឆាំងចង់យកទឹកដីម៉ាឡេស៊ី ធ្វើសកម្មភាពប្រឆាំងនឹងកម្ពុជា។

* សម្តេចតេជោ ហ៊ុន សែន បានថ្លែងឲ្យដឹងពីភាពរវល់ការងាររបស់សម្តេច ដោយសម្តេចថ្លែងថា នៅថ្ងៃទី០៤ ខែមេសាខាងមុខនេះ សម្តេចនឹងអញ្ជើញទៅកាន់ទីក្រុងវៀងច័ន្ទ ប្រទេសឡាវ ដើម្បីចូលរួមកិច្ចប្រជុំកំពូលគណៈកម្មាធិការអន្តរជាតិទន្លេមេគង្គ និងនៅខែឧសភាខាងមុខ សម្តេចនឹងអញ្ជើញទៅកាន់ទីក្រុងយ៉ាកាតា ប្រទេសឥណ្ឌូណេស៊ី ដើម្បីចូលរួមកិច្ចប្រជុំកំពូលអាស៊ាន។

Saturday 25 March 2023

រដ្ឋមន្ត្រី ព្រុំ សុខា អញ្ជើញបិទសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ខេត្តក្រចេះ

ចំនួនអ្នកទស្សនា: Views

 (ក្រចេះ)៖ លោក ព្រុំ សុខា រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ បានអញ្ជើញចូលរួមពិធីបិទសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារ២០២៣ និងឆ្នាំបន្តរបស់រដ្ឋបាលខេត្តក្រចេះ។

ពិធីនេះ បានប្រព្រឹត្តទៅនៅព្រឹកថ្ងៃទី២៤ ខែមីនា ឆ្នាំ២០២៣ នៅសាលមហោស្រពខេត្តក្រចេះ ដោយមានការអញ្ជើញចូលរួមពីលោកទេសរដ្ឋមន្ត្រី លោក លោកស្រី អ្នកតំណាងរាស្ត្រ ព្រមទាំងអស់លោក លោកស្រី លោកប្រធានក្រុមប្រឹក្សាខេត្ត លោក លោកស្រី ជារដ្ឋលេខាធិការ អនុរដ្ឋលេខាធិការក្រសួងមុខងារសាធារណៈ និងថ្នាក់ដឹកនាំមន្ត្រីរាជការគ្រប់លំដាប់ថ្នាក់ មេឃុំ ចៅសង្កាត់សរុបអ្នកចូលរួមមានចំនួន ៤០០នាក់។

បន្ទាប់ពីលោក វ៉ា ថន អភិបាលខេត្តក្រចេះ បានធ្វើរបាយការណ៍បូកសរុបពីលទ្ធផលសន្និបាតដែលបានប្រព្រឹត្តទៅអស់រយៈពេល១ថ្ងៃកន្លះរួចមក លោក ព្រុំ សុខា ក្នុងនាមរាជរដ្ឋាភិបាល បានសម្តែងការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ និងកងកម្លាំងមានសមត្ថកិច្ចពាក់ព័ន្ធគ្រប់លំដាប់ថ្នាក់ នៃរដ្ឋបាលខេត្តក្រចេះ ព្រមទាំង លោក លោកស្រីទាំងអស់ ក្នុងសមាសភាពក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ដែលបានខិតខំរួមគ្នាយ៉ាងសកម្មក្នុងការបំពេញតួនាទីភារកិច្ចបានយ៉ាងល្អប្រសើរ ប្រកបដោយស្មារតីទទួលខុសត្រូវ ដោយបានទទួលការគាំទ្រពីប្រជាពលរដ្ឋដែលធ្វើអោយយើងសម្រេចបាននូវសមិទ្ធផលនានាជាច្រើនគួរឱ្យកត់សម្គាល់។

លោករដ្ឋមន្ត្រីបន្តថា «ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលទទួលបានការចូលរួមគាំទ្រយ៉ាងសស្រាក់សស្រាំរបស់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋគ្រប់មជ្ឈដ្ឋាន បង្កជាកម្លាំងសាមគ្គីជាតិខ្លាំងក្លាប្រយុទ្ធឈ្នះកូវីដ-១៩ បង្កើតភាពធន់រឹងមាំ នាំសង្គមជាតិមកកាន់ប្រក្រតីភាពវិញបានដូចសព្វថ្ងៃ។ ការបើកសេដ្ឋកិច្ចសង្គមជាតិឡើងវិញ ជម្រុញឱ្យកំណើនសេដ្ឋកិច្ចជាតិយើងស្ទុះងើបឡើងវិញក្នុងអត្រាប្រមាណ ៥.៣% ក្នុងឆ្នាំ២០២២ និងប៉ាន់ប្រមាណ ៥.៦% ក្នុងឆ្នាំ២០២៣នេះ»។

ទន្ទឹមនឹងនេះ រាជរដ្ឋាភិបាលខិតខំពុះពារជម្រុញអនុវត្តគោលនយោបាយគាំពារសង្គមដោយបានបើកផ្តល់សាច់ប្រាក់ជូនប្រជាពលរដ្ឋក្រីក្រ បង្កដោយវិបត្តិជាផលប៉ះពាល់នៃកូវីដ-១៩ ក៏ដូចជាការធ្វើសកម្មភាពការងារសង្គមផ្សេងៗជាប្រយោជន៍ដល់មុខសញ្ញាងាយរងគ្រោះដែលបង្កដោយផលប៉ះពាល់ដទៃទៀត។ល។ សមិទ្ធផលធំមួយទៀតរបស់រាជរដ្ឋាភិបាលកម្ពុជា គឺការអនុវត្តដ៏ឈ្លាសវៃ ទន់ភ្លន់ នូវគោលនយោបាយការបរទេស ឯករាជ្យ ផ្អែកលើច្បាប់ បានជួយឱ្យកម្ពុជាសម្រេចបានដោយជោគជ័យនូវតួនាទីរបស់ខ្លួនក្នុងនាមជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធដទៃទៀត នៅក្នុងរាជធានីភ្នំពេញ ហើយដែលបានលើកកម្ពស់មុខមាត់ និងកិត្យានុភាពកម្ពុជាលើឆាកអន្តរជាតិ។

សម្រាប់ឆ្នាំ២០២៣នេះ និងបណ្តាឆ្នាំបន្ត ស្ថិតក្នុងស្ថានភាពនៃការវិវត្តប្រែប្រួលឆាប់រហ័សនិងមិនប្រាកដប្រជានៃស្ថានការណ៍ពិភពលោកដែលបន្តដោយការប្រជែងដណ្តើមឥទ្ធិពលភូមិសាស្ត្រនយោបាយ ការប្រែប្រួលអាកាសធាតុជាសកលនិងការអូសបន្លាយសង្គ្រាមនៅអ៊ុយក្រែន ជាទិសដៅភារកិច្ចបន្ត ដើម្បីពង្រឹងបុព្វហេតុចំពោះមុខ និងយូរអង្វែងរបស់សង្គមជាតិកម្ពុជា គឺសុខសន្តិភាព វឌ្ឍនភាព វិបុលភាពរបស់មនុស្សគ្រប់ជំនាន់ រដ្ឋមន្ត្រីប្រធានក្រុមការងារខេត្តក្រចេះបានលើកឡើងនូវចំណុចសំខាន់ ៥ យ៉ាងដើម្បីជាគតិសម្រាប់មន្ត្រីរាជការ កងកម្លាំងប្រដាប់អាវុធ ប្រជាជន និងសមត្ថកិច្ចគ្រប់លំដាប់ថ្នាក់ ក្នុងការដឹកនាំការងាររបស់ខ្លួននោះគឺ៖

ទី១. ការពង្រឹងសន្តិសុខសណ្តាប់ធ្នាប់ដើម្បីរក្សានូវស្ថិរភាពសង្គម ពិសេសស្ថេរភាពនយោបាយ ធានាដោយបន្តអនុវត្តឱ្យកាន់តែជាក់ស្តែងរស់រវើក និងមានប្រសិទ្ធភាពនូវគោលនយោបាយភូមិឃុំមានសុវត្ថិភាព ដើម្បីសុខសុវត្ថិភាពសហគមន៍ដែលជាស្នូលនៃសុខសន្តិភាពយូរអង្វែងរបស់សង្គមជាតិ។

ទី២. ការបន្តការងារកែទម្រង់លើវិស័យអាទិភាពជាអាទិ៍៖ រដ្ឋបាលសាធារណៈ វិមជ្ឈការ និងវិសហមជ្ឈការ ការគ្រប់គ្រងហិរញ្ញវត្ថុសាធារណៈ ប្រព័ន្ធយុត្តិធម៌ និងតុលាការ...។ល។ ដើម្បីបន្តពង្រឹងភាពធន់សង្គមសម្រាប់ការស្តារ កសាង អភិវឌ្ឍប្រទេសជាតិបន្តទៀត។

ទី៣. ការពុះពារដោះស្រាយរាល់ឧបសគ្គប្រឈមដែលបង្កឡើងដោយកូវីដ-១៩ និងវិបត្តិដទៃៗទៀតជម្រុញកំណើនសេដ្ឋកិច្ច រក្សាស្ថេរភាពម៉ាក្រូសេដ្ឋកិច្ច ដើម្បីពុះពារនាំសេដ្ឋកិច្ចសង្គមកម្ពុជារីកចម្រើនដល់កម្រិតស្មើនឹងមុនសម័យកូវីដ។

ទី៤. ការរៀបចំការបោះឆ្នោតជាតិឆ្នាំ២០២៣នេះ ឱ្យដំណើរការល្អប្រសើរ ប្រកបដោយលក្ខណៈប្រជាធិបតេយ្យ សេរី និងគ្មានអំពើអហិង្សា និងមានការចូលរួមគាំទ្រដោយសុឆន្ទៈពិតប្រាកដរបស់ប្រជាជននៅទូទាំងប្រទេស។

ទី៥. ភាពជាអ្នកដឹកនាំល្អ ដើម្បីធានាដល់ជោគជ័យដែលត្រូវផ្តើមចេញពីធនធានមនុស្សល្អ ប្រកបដោយគុណភាព គុណវុឌ្ឍិ និងគុណធម៌ ជានិច្ចកាលបម្រើការងារដោយនវានុវត្តន៍ និងបុរេសកម្ម។

ជាចុងបញ្ចប់ លោករដ្ឋមន្ត្រី ព្រុំ សុខា ក៏បានផ្តល់កិត្តិយសបំពាក់គ្រឿងឥស្សរិយយស មេដាយការងារ និងប័ណ្ណសរសើរជូនដល់មន្ត្រីរាជការដែលមានស្នាដៃក្នុងការបម្រើការងារនៅក្នុងរដ្ឋបាលខេត្តក្រចេះផងដែរ

លោក គង់ វិបុល ចូលរួមពិធីបុណ្យឆ្លងពន្លៃព្រះអង្គខ្មៅ និងសម្ពោធសមិទ្ធផលនានានៅវត្តកេសរបុប្ផារាម (បន្ទាយម្ជូរ) នៅស្រុកល្វាឯម ខេត្តកណ្តាល

ចំនួនអ្នកទស្សនា: Views

(កណ្តាល)៖ លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី អនុប្រធានទី១ ក្រុមការងាររាជរដ្ឋាភិបាលចុះជួយមូលដ្ឋានស្រុកល្វាឯម ខេត្តកណ្តាល នៅរសៀលថ្ងៃទី២៤ ខែមីនា ឆ្នាំ២០២៣ បានអញ្ជើញចូលរួមពិធីបុណ្យឆ្លងពន្លៃព្រះអង្គខ្មៅ និងសម្ពោធសមិទ្ធផលនានានៅវត្តកេសរបុប្ផារាម (បន្ទាយម្ជូរ) នៅជ្រោងជ្រែ ឃុំសំបួរ ស្រុកល្វាឯម ខេត្តកណ្តាល ។

Friday 24 March 2023

ទេសរដ្ឋមន្ត្រី​ ស៊ុន​ ចាន់ថុល​៖​ កំណាត់ផ្លូវជាតិលេខ៥ ពីព្រែកក្តាម ទៅដល់ធ្លាម្អម នឹងសម្ពោធដាក់ឱ្យប្រេីប្រាស់ជាផ្លូវការ​នៅខែមិថុនាខាងមុខ

ចំនួនអ្នកទស្សនា: Views

(ភ្នំពេញ)៖​ ទេសរដ្ឋមន្ត្រី​ ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងបញ្ជាក់ថា​ ពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៥ ពីព្រែកក្តាម ទៅដល់ធ្លាម្អម (ខេត្តពោធិ៍សាត់) និងពិធីបើកការដ្ឋានគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ពីក្រុងសិរីសោភ័ណ ទៅដល់ក្រុងប៉ោយប៉ែត គ្រោងនឹងធ្វើឡើងនៅក្នុងសប្តាហ៍ទី៣ នៃខែមិថុនា ឱ្យបានមុនយុទ្ធនាការបោះឆ្នោត ដែលនឹងប្រព្រឹត្តទៅនៅក្នុងខែកក្កដា ឆ្នាំ២០២៣។

នេះបេីតាមការបញ្ជាក់ឱ្យដឹងរបស់លោកទេសរដ្ឋមន្ត្រី​ ស៊ុន​ ចាន់ថុល​ នាថ្ងៃទី២៣ ខែមីនា ឆ្នាំ២០២៣នេះ​ នាឱកាសដែលលោកបានអនុញ្ញាតឱ្យលោកស្រី Kamei Haruko ប្រធានទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំនៅប្រទេសកម្ពុជា ចូលជួបសម្តែងការគួរសម និងជម្រាបលា ខណៈដែលលោកស្រីនឹងបញ្ចប់បេសកកម្មការងារនៅកម្ពុជា នាចុងខែមីនានេះ។

ក្នុងជំនួបនាឱកាសនេះក៏មានការចូលរួមផងដែរពីសំណាក់លោក Sanui Kazumasa ដែលត្រូវបានតែងតាំងជាប្រធានទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំនៅប្រទេសកម្ពុជា បន្តពីលោកស្រី Kamei Haruko និងសហការី ព្រមទាំងវត្តមានរបស់ថ្នាក់ដឹកនាំក្រសួង និងមន្ត្រីជំនាញពាក់ព័ន្ធ។

ជាមួយគ្នានោះលោកទេសរដ្ឋមន្ដ្រី ក៏បានបង្ហាញក្តីសង្ឃឹមថា JICA នឹងបន្តសកម្មភាពក្នុងនាមជាដៃគូអភិវឌ្ឍន៍ ជាមួយរាជរដ្ឋាភិបាលកម្ពុជា ចំពោះកិច្ចសហប្រតិបត្តិការនាពេលអនាគត ជាពិសេសក្នុងការអភិវឌ្ឍហេដ្ឋារចនាសម្ព័ន្ធ និងការតភ្ជាប់នៅប៉ូលសេដ្ឋកិច្ចទាំង៤ ដើម្បីជំរុញឱ្យដំណើរការនៃប៉ូលសេដ្ឋកិច្ចទាំងអស់មានភាពរីកចម្រើន និងមាននិរន្តរភាពផងដែរ លើកកម្ពស់ជីវភាពរស់នៅរបស់ប្រជាជន និងផ្សារភ្ជាប់ទៅប្រទេសជិតខាងនៅក្នុងតំបន់ផងដែរ។

លេីកឡេីងនាឱកាសនោះដែរលោកស្រី Kamei Haruko បានថ្លែងអំណរគុណចំពោះលោកទេសរដ្ឋមន្រ្ដី ដែលបានអនុញ្ញាតឱ្យលោកស្រី និងសហការីបានជួបសំដែងការគួរសម និងជម្រាបលានាពេលនេះ ហើយលោកស្រីបានសម្ដែងនូវចំណាប់អារម្មណ៍ខ្ពស់ដល់ក្រសួងសាធារណការ និងដឹកជញ្ជូន សម្រាប់ដំណើរការអនុវត្តគម្រោងលើកកម្រិតគុណភាពហេដ្ឋារចនាសម្ព័ន្ធ ការតភ្ជាប់ និងភស្តុភារកម្មនៅកម្ពុជា ក្រោមជំនួយហិរញ្ញប្បទានរបស់ JICA ដែលមានដូចជា គម្រោងធ្វើឱ្យប្រសើរឡើងវិញផ្លូវជាតិលេខ៥ គម្រោងសិក្សាចំណតផែកុងតឺន័រទឹកជ្រៅ នៅកំពង់ផែខេត្តព្រះសីហនុ និងគម្រោងសិក្សាផែនការមេភស្តុភារកម្មនៅកម្ពុជា ជាដើម។

លោកស្រី​ ក៏បានសម្តែងនូវសុទិដ្ឋិនិយមថា ក្រសួងសាធារណការ និងដឹកជញ្ជូន ក៏ដូចជារាជរដ្ឋាភិបាលកម្ពុជា គឺជាដៃគូមិនអាចខ្វះបានក្នុងកិច្ចសហប្រតិបត្តិការកាន់តែស៊ីជម្រៅថែមទៀតក្នុងការលើកកម្ពស់គុណភាពនៃការរស់នៅរបស់ប្រជាជនកម្ពុជា តាមរយៈការអភិវឌ្ឍវិស័យហេដ្ឋារចនាសម្ព័ន្ធ និងដឹកជញ្ជូន៕